Hajdari thirrje Bashës: E ke në kontratë me artistët që do ndryshoje sistemin zgjedhor, hajde këtu!

Deputetja Rudina Hajdari në përfundim të mbledhjes së Këshillit Politik për reformën zgjedhore, kërkoi mbështetjen e opozitës për të cuar në fund premtimin e dhënë për përmbylljen e reformës zgjedhore.

Sipas saj, kryedemokrati Basha e ka fitmosur një marrëveshje me artistët, kur një nga pikat ishte edhe reformimi i sistemit zgjedhor.

“Nëse PD e ka seriozisht që mbështet Aleancën për Teatrin të vijë në tryezë, t’i shkojë deri në fund marrëveshjes që ka bërë me Alencën për Teatrin, e kam këtu (tregon dokumentin) Basha ka thënë se angazhohem deri në fund për procesin zgjedhor, ndaji kërkoj të vijë këtu dhe të luftojmë sëbashku. Teatri u shemb, cfarë do bëjmë tani?! Hajde pra këtu, zotohuni deri në fund për ata që i keni thënë se do reformoni sistemin zgjedhor! Hajdeni t’i japim mundësi qytetarëve të zgjedhin vetë, hajde ndryshojmë sistemin zgjedhor”, apeloi ajo.