Hajdutët e energjisë elektrike/ Dita e tretë, 27 të arrestuar në të gjithë vendin

Burime nga Policia e Shtetit bëjnë të ditur se mëngjesin e sotëm janë arrestuar 16 persona, ndërsa 3 prej tyre kanë qenë elektriçiste. Mësohet se operacioni është shtrirë në të gjithë skajet e vendit dhe arrestimet po ashtu.Sipas burimeve të sipërcituara, në rrethin  e Kukësit janë 2 të arrestuar, në Tropojë janë arrestuar 3 elektriçiste, të cilët ndihmonin qytetarët të krijonin lidhje të paligjshme të energjisë elektrike.Në Shkodër janë arrestuar 11 shtetas, të cilët akuzohen se kanë vjedhur energji elektrike. Gjithashtu, në Gjirokastër janë ndaluar 4 shtetas, në Korçë 5 dhe në Elbasan 2 shtetas, duke e çuar në total numrin e të arrestuarve ne  27.

Një ditë më parë, numri i të arrestuarve ishte 63 persona, ndërsa u shpallën 24 persona në kërkim. Ditën e parë të operacionit, te martën, u arrestuan 49 persona dhe u shpallën në kërkim 7 të tjerë.

Dje në mesditë, ministri i Brendshëm, Saimir Tahiri, gjatë një inspektimi në zonën e  Tiranës së Re, pranë shkollës së mesme “Petro Nini Luarasi”, tha se Policia e Shtetit nuk do të ndalojë se punuari për të kapur të gjithë vjedhësit e energjisë elektrike. Sipas tij, puna e policisë në këtë drejtim do të përfundojë kur të jetë arrestuar dhe personi i fundit që ka vjedhur energji elektirke. Sot, nga foltorja e Kuvendit, ministri Tahiri tha se në total gjatë dy ditëve të para të operacionit janë arrestuar 115 shtetas, mbi 5 punonjës të OSSHE dhe dhjetra të tjerë në hetime. Po ashtu, janë shpallur në kërkim dhe 31 persona të tjerë  në kuadër të ktij operaiconi.