Hapet në tetor programi bachelor për Akademinë e FA, Xhaçka: Është zgjedhur nga 675 maturantë

Ministrja e Mbrojtjes, Olta Xhaçka, ka njoftuar se 675 maturantë kanë zgjedhur të vijojnë studimet në Akademinë e Forcave të Armatosura. Në një postim në Facebook, ajo ka njoftuar gjithashtu, se aplikimet vijojnë të jenë të hapura deri më 10 gusht, për maturantët e viteve të shkuara, të cilët kanë kohë deri nesër për të plotësuar formularin pranë gjimnazit ku janë diplomuar.

Postimi i plotë

675 maturantë, të cilët kanë përfunduar arsimin e mesëm këtë vit, kanë zgjedhur të studiojnë pranë Akademisë së Forcave të Armatosura, që në tetor hap për herë të parë programin bachelor! Por aplikimi vazhdon të jetë i hapur për maturantët e viteve të shkuara.

Më 10 gusht përfundon afati për këtë kategori aplikantësh, të cilët deri nesër duhet të plotësojnë formularin pranë gjimnazit ku janë diplomuar, duke zgjedhur Akademinë e Forcave të Armatosura si një ndër preferencat e tyre. Akademia e Forcave të Armatosura është një mundësi e jashtëzakonshme.

?Pagesë mujore ndihmëse për çdo student për të gjithë periudhën e studimit.
?Akomodim dhe ushqim falas për 3 vitet e studimit në Akademi.
?Tarifë studimi 0 lekë në vit.
?Punësim i sigurt pas përfundimit të studimeve.
Duke zgjedhur studimet në Shkencat Ushtarake, keni zgjedhur një karrierë sa të pasur, aq edhe të sigurtë! Bëhuni. elita e së ardhmes në Forcat e Armatosura.