Hapi zjarr ndaj policisë, vritet krimineli i dënuar me 25 vite burg

38-vjeçari Jeton Rexhepi, i dënuar me 25 vite burg për vrasje, ka ngelur i vrarë në Tetovë, në përpjekje e sipër për t’i shpëtuar policisë.

Policia ka tentuar ta arrestojë, pasi Rexhepi ishte arratisur shumë vite më parë nga burgu. Kjo ishte tentativa e katërt e policisë për ndalimin e tij, por Rexhepi është kundërpërgjigjur me armë zjarri.

Burimet e para nga terreni flasin se Rexhepi ka qenë i armatosur dhe ka hapur zjarr drejt forcave speciale, të cilat kishin shkuar për ta arrestuar në orët e para të mëngjesit.

Policia kishte tentuar ta ndalonte edhe në vitin 2012, në 2014 si dhe në 2016 por i dënuari i arratisur nga burgu i Shtipit ia kishte dalë t’i arratisej policisë.

Të dhënat jo zyrtare flasin se Rexhepi akuzohej gjithashtu edhe për një rrëmbim, gjatë viteve të tij të arratisë.