Hapja e çerdheve dhe kopshteve/ Malaj: 3 sugjerime për Ministrinë e Arsimit

Pasi maturantët u rikthyen në shkollë, hapja e çerdheve dhe kopshteve më datën 1 qershor do të jetë sfida e vërtetë për shtetin. Për ish-zv ministren e Arsimit, Nora Malaj, do të duhet që të tregohet një përgjegjësi shumë e madhe. Nga ana tjetër, ajo ka 3 sygjerime për Ministrinë e Arsimit.

“Do të vija theksin te tre momente shumë të rëndësishme që lidhen e para me higjienën pastëritnë dhe dezinfektimin, të bëhet të paktën një herë në 3 muaj në kopshte për të gjitha nevojat që janë të dedikuara për këtë institucion. E njëjta gjë edhe për çerdhet. E dyta, të merren masa që të këtë kujdes të dedikuar, sepse fëmijët nuk i ruajnë dot distancat vetë. Ministritë e linjës duhet të bëjnë menaxhim hap pas hapi në ndihmë të institucioneve”. Ish-deputetja e LSI-së, nga ana tjetër, e konsideron këtë moment sfidë edhe për vetë kryeministrin Rama. Ajo kritikon numrin një të qeverisë për përzgjedhjen e facebook si mënyrë për të komunikuar rregullat e reja që iu imponuan vendit në periudhën e pandemisë.

“Kjo është prova më e madhe që i bëhet qeverisë. Nëse qeveria është qeveria që deri tani ka bërë sikur, nëse e ka paraqitur realitetin ndryshe, apo nëse qytetarët janë të gatshëm që të mbrojnë fëmijët e tyre. Të mos bëjmë më histori që kopshtet drejtohen me Facebook. Ne nuk duhet të drejtohemi më me histori facebook-u. Shteti udhëhiqet me ligje, me urdhra, me mekanizma dhe me to duhet tu shërbejë taksapaguesve shqiptarë”.