Harrohet Covid-19, plazhi i Durrësit mbushet plot

Dita e fundit e dimrit ofroi klimën e pranverës, ndaj të shumtë ishin ata që rrezet e diellit kërkuan ti marrin buzë detit! Kjo ishte pamja e bregdetit të Durrësit këtë të dielë me te temperatura të larta.

Kryeqytetasit e quajtën ditë ideale për tu larguar nga Tirana që për një pjesë është bërë e pajetueshme! “Kam ardhur nga Tirana, Tirana të mbyt, është bërë qytet i pajetueshëm”,-thotë një qytetar.

Për shqiptarët e Kosovës dhe të ardhurit nga qytete të tjera, kjo është mundësi për një ditë ndryshe. ”Mendoj se ajri i pastër, ka hapësirë. Prandaj ka dhe njerëz, gjatë gjithë javës qëndrojnë mbyllur me maska”. Rreziku i Covid-19 dhe rregullat e kohës që po jetojmë i neglizhuan masivisht! Edhe kafenete buzë detit ishin plot si në kohë normale.