Henri Çili: Më ndaluan në darkë dhe më vunë prangat, pastaj…

Botuesi i njohur Henri Çili, i ftuar në ”Open”, ka rrëfyer për ngjarjen e cila bëri bujë javë që kaloi.

Si ndodhi ngjarja?– e pyeti Eni Vasili.

Nuk kisha asnjë ide. Rreth orës 20:00 teksa po shkoja për në shtëpi u ndalova. Më kërkuan që të shkonin të bënim kontroll në banesë dhe në zyrë- u përgjigj botuesi.

Ishe me pranga?- e pyeti Eni Vasili.

Po isha me pranga. Të nesërmen më treguan që kishte një urdhër nga prokuroria për ndalimin tim.

Nga ana tjetër, paraditen e kësaj të enjte, Çili doli në një konferencë për mediat, ku foli për akuzat e ushtrimit të ndikimit të paligjshëm te gjyqtarët për çështjen e vrasjes së efektivit të policisë Ibrahim Basha në Lazarat. “Nuk kam takuar asnjë gjykatës, asnjë përfaqësues të sistemit të lartë të drejtësisë, as unë e asnjëri nga avokatët e studios sime”, tha Çili. “Si botues dhe sipërmarrës takohem me shumë njerëz, edhe të drejtësisë por për këtë arsye nuk jam takuar asnjëherë me askënd”.