Hidhet nga kati i katërt, humb jetën 47-vjeçari në Tiranë

Një ngjarje e rëndë ka ndodhur mbrëmjen e sotme në kryeqytet, ku një 47-vjeçar i ka dhënë fund jetës, duke u vetëhedhur nga kati i katërt i banesës.

Sipas policisë, ngjarja ka ndodhur rreth orës 22:05 në rrugën “Tahir Kadare”, ndërsa dyshohet se 47-vejçari me inicialet Y.K., ka qenë në kushte të rënduara psikologjike.

Njoftimi i plotë i Policisësë Tiranës:

Tiranë/Informacion Paraprak

Rreth orës 22:05 në rrugën “Tahir Kadare” dyshohet se në kushte të rënduara psikologjike, është vetëhedhur nga kati i 4-të i banesës  shtetasi  Y. K., 47 vjeç,i cili për pasojë ka ndërruar jetë.

Grupi hetimor po vijon punën për sqarimin e rrethanave të ngjarjes.