Homazhet tek memoriali i Azem Hajdarit, Spahiu: Asnjëri prej tyre se ka takuar

Homazhet te memoriali i Azem Hajdarit, këtë herë ka ndodhur për herë të parë që të mungonte Sali Berisha dhe familja e tij, por veç disa drejtues të PD-së.

Ndaj dhe Kreshnik Spahiu i ironizon duke kujtuar edhe ai shokun e tij të fakultetit. Spahiu shkruan se asnjëri prej tyre në ceremoni nuk e ka takuar apo njohur Azem Hajdarin, teksa shton se ata edhe varrin po e keqpërdorin.

“Asnjë prej tyre s’e ka takuar dhe as nuk e ka njohur në jetë kurrë Azem Hajdarin. Ky koment s’është cinizëm dhe as ironi por realitet, në ditën e shokut tim të fakultetit dhe mikut të idealeve që kurrë nuk i realizuam. U vra i ndjeri për një parti, që u transformua në biznesin e dy familjeve mafioze. Azem, u prehsh në paqe, se këta edhe varrin po ta keqpërdorin”.