Humb jetën gruaja në Tiranë, ishte prekur nga gripi. Ministria: E pavaksinuar, vuante edhe…

Një grua në Tiranë ka humbur jetën në spitalin “Shefqet Ndroqi”. Ajo ishte e prekur nga gripi, konfirmohet në buletinin e Institutit të Shëndetit Publik.

Siç konfirmon ministria e Shëndetësisë, gruaja e cila nuk është e identifikuar për mediat, por ishte 61 vjeçe, ka pasur sëmundje kronike të zemrës, “me fillim të menjëhershëm dhe me pneumoni. Pacientja ishte e pavaksinuar ndaj gripit”, thuhet në buletin.

“Në javën e 3-të në SUSM “Shefqet Ndroqi” ka ndodhur një vdekje e një pacienteje me moshe 61 vjeç, me sëmundje kronike të zemrës, me fillim të menjëhershëm dhe me pneumoni. Pacientja ishte e pavaksinuar ndaj gripit”, lexohet në njoftim, shkruan Panorama.