Humbi betejën me Covid-19, trupi i pajetë i mjekut Dobi mbërrin në Rinas

Nëntë ditë pas ndërroi jetë në një spital italian për shkak të Covid-19, ka mbërritur në Rinas në orët e vona të kësaj pasdite trupi i pajetë i mjekut Drini Dobi.

Mjeku u prek nga Covid-19 dhe pas përkeqësimit të gjendjes së tij shëndetësore, u nis në drejtim të Italisë për shërbim më të specializuar, por nuk ia doli dot të fitojë betejën me virusin vdekjeprurës.

Për kurimin e tij u zhvillua një fushatë për mbledhjen e fondeve nga kolegët brenda e jashtë vendit, si dhe nga familjarët. Drini Dobi ishte mjek neurolog në qendrën Spitalore Universitare “Nënë Tereza”.