I mituri mbytet në pishinën e hotelit, gjyshja dhe nëna pësojnë shok

Një fëmijë rreth 8 vjeç është mbytur në pishinën e një hoteli në rrethin e Kavajës këtë të mërkurë.

Nga të dhënat e para mësojme se femija është mbytur aksidentalisht. Atë e kishte marrë me vete gjyshja në një hotel të zonës ku edhe punonte për t’u bere gati për sezonin veror.

Por mesa duket pakujdesia gjate kohes qe ajo nuk e kishte mendjen ka rezultuar fatale per nipin e saj.

Mesohet se ne nje moment, gjyshja ishte ngjitur ne katin e dyte te hotelit dhe e kishte lene te voglin ne katin e pare. Pasi ka thirrur disa here dhe ai nuk i pergjigjej, ajo eshte vene ne alarm se bashku me punonjesit e tjere qe ishin ate kohe ne hotel, te cilet pas kerkimeve e kane pare trupin e te miturit brenda ne pishinen e mbushur me uje.

Pavarësisht se i është dhënë ndihma e parë, i vogli nuk ka mundur të mbijetojë.

Mesohet se ngjarjen e dhimbshme nena e djalit, e cila e kishte femijen e saj te vetem e ka mesuar me vonese.

Në spital, gjyshja e të miturit ka pësuar shok psikologjik, ashtu si edhe nëna e tij.

Spitali i Durrësit ka vënë në dispozicion psikologët. Mesohet se babai i te voglit ishte me punë në qytetin e Sarandës.

Trupi i pajetë është dërguar në morgu e spitalit të Durrësit ku pritet ti nështrohet autopsisë mjeko ligjore me qëllim përcaktimin e plotë të shkaqeve.

Ndërkohë nga ana tjeter policia ka nisur hetimet për rastin në fjalë.