I morën shuma të mëdha parash të miturit, arrestohen 4 persona në Korçë

Kanosin një minoren për t’i zhvatur para arrestohen në flagrancë 4 shtetas në Korçë. Të rinjtë akuzohen për shtrëngim dhe kanosje për dhënie pasurie kryer në bashkëpunim.

Burime konfidenciale bënë me dije për gazetaren e ‘News24’ dhe ‘BalkanWeb’ Lorena Kodra se në pranga kanë rënë 4 shtetas, konkretisht shtetasit me inicialet E.B., K.P., Xh.D dhe K.A.

Sipas burimeve konfidenciale këta shtetas në bashkëpunim me njëri-tjetrin kanë kanosur me qëllim dhënie pasurie 15-vjeçaren me inicialet F.P, të cilit i kanë marrë në kohë të ndryshme gjatë një periudhe 1 mujore shuma të ndryshme parash, 200.000 lekë dhe 8000 euro.