I ndaluan për parakalim të gabuar, dy të rinjtë i thyejnë pasqyrat makinës së policisë

Dy të rinj janë arrestuar pasi thyen pasqyrat e makinës së postbllokut të policisë rrugore të cilët e kishin ndaluar për parakalim të gabuar.

Njoftimi i policisë

Specialistët për Hetimin e Krimeve në Komisariatin e Policisë Krujë arrestuan në flagrancë shtetasit:

G. P., 19 vjeç dhe E. P., 24 vjeç, të dy banues në Tiranë.

Arrestimi i tyre u bë pasi më datë 07.09.2020, duke udhëtuar në drejtim të qytetit të Krujës, këta shtetas, kur janë ndaluar nga postblloku i Policisë Rrugore për shkak të një parakalimi të gabuar, kanë kundërshtuar për shkak të detyrës shërbimet e Policisë dhe kanë thyer pasqyrat e mjetit të Policisë.

Materialet i kaluan Prokurorisë së Rrethit Krujë dhe Durrës, për veprime të mëtejshme.