I shuhet shpresa për liri, Emiljano Shullazi mbetet në burg

Është rrëzuar kërkesa për tu hetuar në liri ndaj Emiljano Shullazit. Ky vendim është marrë ditën e sotme nga Gjykata e Posaçme e Apelit. Një ditë më parë, Shullazi së bashku me grupin e tij kërkuan që të bëhej një rivlerësim të masës së sigurisë që është dhënë nga autoritetet.

Kërkesa u depozitua përmes avokatëve të Shullazit,me argumentin se Gjykata e Posaçme duhet t’i konfirmonte masat në momentin që ndryshoi statusin brenda një afati 10 ditor.

Ndërkohë, sot u dha vendimi që ai së bashku me grupin e tij do të vazhdojnë të qëndrojnë në qeli, pasi nuk u ndryshua masa ‘Arrest me burg’.

Gjyqtarët që merren me këtë çështje janë Artur Kalaja, Etleva Temo dhe Albana Boksi.