I vjedhin portofolin dhe e dhunojnë, kush janë dy grabitësit në Mirditë (EMRAT)

Një grabitje është regjistruar sot në Mirditë, ku një person i kanë vjedhur portofolin. Por dy autorët, tashmë në pranga, nuk janë mjaftuar me vjedhjen, pasi shtetasi me inicialet N.GJ, ka rënë pre e dhunës së tyre.

Mësohet se Angjelin Perleka dhe Erjol Shtjefanaku kanë arritur të marrin portofolin e shtetasit më sipër, brenda të cilit kishte 200 mijë lekë.

Ndërkohë grabitësit kanë dhunuar me sende të forta shtetasin me inicialet N.Gj.

NJOFTIMI I POLICISE
Specialistët e seksionit për hetimin e krimeve në Komisariatin e Policisë Mirditë, falë një pune hetimore të mirëorganizuar, u bë i mundur lokalizimi dhe kapja brenda 24 orëve, e shtetasve Angjelin Perleka, 29 vjeç, banues në Mirditë dhe Erjol Shtjefanaku, 32 vjeç, banues në Mirditë.

Këta shtetas ishin shpallur në kërkim pasi më datë 09.05.2018, në Rrëshen, i kanë vjedhur me dhunë portofolin ku brenda kishte rreth 200.000 lekë të reja, shtetasit N.Gj. duke e goditur fizikisht si dhe me mjete të forta. Materialet proçeduriale iu referuan Prokurorisë së Rrethit Gjyqësor Lezhë për veprat penale” Vjedhja me dhunë” dhe “Plagosje e lehtë me dashje” kryer në bashkëpunim, parashikuar nga nenet 139 dhe 89 -25 të Kodit Penal.