I vunë tritol në makinë, flet pronari: Sapo isha futur në banesë kur…

Pas shpërthimit me tritol të një automjeti mbrëmjen e djeshme në Shkodër, ka folur pronari i makinës, Nazmi Badulla.

Në dëshminë e dhënë përpara autoriteteve ai ka deklaruar se nuk ka dijeni se kush mund ta ketë vendosur tritolin në makinën e tij.

“Unë sapo isha futur në banesë dhe pak minuta më përpara kam qenë brenda oborrit. Jam ngjitur në shtëpi dhe më pas ka shpërthyer. Nuk e kam idenë se kush mund ta ketë vendosur. Fouristrada ime ka qenë e parkuar në oborrin e shtëpisë që në orët e paradites. Kam dalë në mëngjes, kam ngrënë diçka dhe më pas jam rikthyer në shtëpi dhe e kam lënë makinën aty brenda oborrit. Nga ai moment nuk e kam lëvizur më ndaj nuk e kam idenë se si mund të ketë ndodhur”, mësohet të ketë thënë ai.

Ngjarja ndodhi mbrëmjen e djeshme në orën 20:25 në lagjen Partizani në Shkodër. Mjeti tip fouristradë X5 ishte i parkuar në oborrin e shtëpisë së Nazmi Badullës, ndërsa si pasojë e shpërthimit fatmirësisht nuk kishte të lënduar.

Nazmi Bandulla rezulton person me precedent të mëparshëm penal për konflikte brenda familjes.