IGJEUM regjistron 9 lëkundje tërmeti, sa kanë qenë magnitudat dhe si ka lëvizur epiqendra

Nëntë lëkundje tërmeti janë regjistruar sot në vendin tonë, ndërkohë që epiqendra ka levizur nga Durrësi, në Korçë e Pogradec.

Për fat lëkundjet kanë qenë me magnitudë të vogël dhe nuk janë shoqëruar me probleme.

Instituti i Gjeoshkencave, Energjisë, Ujit dhe Mjedisit raporton sot se lëkundja e fundit është ajo e ores 10:30 me epiqender ne Nikolicë të Korces dhe me një magnitudë 2.3.

Ndërkohë që sipas të dhënave që raporton vetë IGJEUM, lëkundja me magnitudën më të lartë ka qenë ajo me epiqendër ne Laginën e Patokut, me magnitudë 3.1.

Ja harta e tërmeteve të regjistruar sot sipas IGJEUM