IKMT shkatërron dy objekte në Himarë

Inspektorati Kombëtar i Mbrojtjes së Territorit  (IKMT) ka nisur sot një operacion në zonën turistike të Himarës. Sipas planit, IKMT do të prishë dy objekte multifunksionale me madhësi të ndryshme, njëra 684 metra katrorë dhe tjetra 176 metër katror.

Operacioni i IKMT zbatohet në kuadër të projektit të ndërtimit të shëtitores kryesore të Himarës, bazuar në V.K.M e datës 09.12.2015. Sipas saj, qeveria shqiptare merr përsipër edhe kompensimin e plotë financiar të prishjes së këtyre objekteve për qëllime publike.

Specialistët e IKMT kanë vlerësuar se puna për prishjen e dy objekteve buzë detit, për shkak të madhësisë së tyre do të vijojë për të paktën dy ditë, dhe IKMT së bashku me struktura të tjera kanë marrë përsipër edhe pastrimin e vendit nga mbetjet inerte.

(Video dhe foto, mund të gjeni në faqen e FB të IKMT)