IKMT zbarkon në Shirokë, nis prishja e një objekti pa leje ndërtimi
Aktualitet E Mërkurë, 25 Tetor 2023 11:13
Forca të IKMT-së dhe policisë kanë zbarkuar mëngjesin e së mërkurës në zonën e Shirokës, për prishjen e ndërtimeve pa leje.
Sipas informacioneve, një aksion ka nisur që në orën 07:00 të mëngjesit, ndërkohë që pritet të shembet një objekt për të cilin pronarët nuk disponojnë dokumentacionin me leje për ndërtim.
Ky është objekti më i madh që shembet nga IKMT, në këtë zonë ndërkohë që pak ditë më parë është shembur edhe një tjetër në afërsi të Zogajve.
Është raportuar edhe për zonën e Thethit ku janë 10 objekte ku do të ndërhyhet por IKMT ka hasur në reagimin nga banorëve të zonës çka ka bërë që operacioni i policisë të shtyhet.
