Iku me urgjencë në Britani, sekretari Cameron telefonon presidentin Begaj: Shqipëria aleate e ngushtë e NATO-s

Sekretari i Jashtëm i Britanisë së Madhe, David Cameron zhvilloi një bisedë telefonike me presidentin Bajram Begaj. Cameron ishte këtë të mërkurë për një vizitë zyrtare në Tiranë ku u takua me kryeministrin Edi Rama dhe sipas axhendës do takohej më pas edhe me Begajn, por Cameron u detyrua të shkojë me shpejtësi në Londër.

Sipas Zyrës së Jashtëm të Komonuelthit, Cameron ka zhvilluar një telefonatë me presidentin shqiptar ku kanë folur për rolin e Shqipërisë si aleate e NATO-s dhe mbështetjen për Ukrainën. Sekretari Cameron u nis me urgjencë për një mbledhje qeverie, ku kryeministri Rishi Sunak lajmëroi datën e zgjedhjeve të përgjithshme më datë 4 korrik.

Fokusi i bisedës ishte roli i Shqipërisë si aleatë e NATO-s. “Sekretari i Jashtëm pati një telefonatë me presidentin shqiptar Bajram Begaj sot pas vizitës së tij në Tiranë. Ata diskutuan rolin e rëndësishëm të Shqipërisë si një aleate e ngushtë e NATO-s dhe rikonfirmuan mbështetjen tonë të palëkundur për Ukrainën dhe përballjen me sfidat rajonale”, thuhet në njoftim.

The Foreign Secretary had a call with Albanian President @BajramBegajAL today following his visit to Tirana.

They discussed Albania’s important role as a close NATO ally and reaffirmed our steadfast support for Ukraine and confronting regional challenges.

— Foreign, Commonwealth & Development Office (@FCDOGovUK) May 22, 2024