Ilir Meta u la në burg, reagon Tedi Blushi: Vendim i nevritshëm dhe i papranueshëm!
Tedi Blushi e ka cilësuar vendim të neveritshëm dhe të papranueshëm vendimin e GJKKO për të lënë në burg, presidentin e Partisë së Lirisë, Ilir Meta. Gjatë konferencës për media, Sekretari i Përgjithshëm Partisë së Lirisë tha se vendimi është akt i rëndë që tregon rënien e shtetit ligjor.
“Vendimi i sotëm politik të kamikazëve të ramaformës në GJKKO, apo Gjykatën Kombëtare Kundër opozitës, për të lënë në burg politik, pa prova dhe pa fakte, presidentin e Partisë së Lirisë, Ilir Meta, i ndikuar nga mafia ndërkombëtare dhe i urdhëruar personalisht nga Edi Rama është akt i rëndë që tregon rënien e shtetit ligjor. Tregon kapjen për fyti dhe asgjësimit të drejtësisë të vendosur në shërbim të pushtetit.
Ky vendim i turpshëm, i neveritshëm, i papranueshëm, kundër opozitës, konfirmon rrëshqitjen e Shqipërisë në diktatorë, është vijim i agresionit të pastër terrorist të narkoshtetit dhe mafies ndërkombëtare kundër presidentit Ilir Meta, PL, opozitarizimit të vërtetë, demokracisë, që u konsumua sot në sallën e gjyqit.
Gjendja shëndetësore e zotit Meta është e shkëlqyer. Asnjë merak të mos keni. Nëse i ndodh ndonjë gjë në burg, përgjigja do të mbajë Edi Rama”, tha Blushi.