Ilirjan Celibashi tregon pengjet për ”14 Majin”

”Procesi zgjedhor nuk ka impaktuar thelbin e standardit të zgjedhjeve të 14 Majit”,-tha komisioneri shtetëror i zgjedhjeve Ilirjan Celibashi. Edhe pse e pranon që ka gjëra që duhej të ishin menaxhuar më mirë, Celibashi shprehet se zgjedhjet e 14 majit ishin në përputhje me të gjitha parashikimet.

“Edhe nga ajo çfarë u deklarua nga vëzhguesit ndërkombëtarë, u evidentua kjo që unë thashë. Veçanërisht raporti i ODIHR i vlerësoi zgjedhjet si gjerësisht, të mirëorganizuara”.

I pyetur nëse ai si drejtues i KQZ-së ka pengje lidhur me mënyrën sesi u administruan zgjedhjet e 14 majit, Ilirjan Celibashi thotë se pati procese që nuk shkuan mire, por “jo për neglizhencë”.