Incidenti në ditën e Bajramit, revoltohet ministrja Kumbaro
Ditën e Bajramit, një incident u shënua në hyrje të Kalasë së Lezhës. Pllaka e vendosur në hyrje është vandalizuar pas disa paralajmërimeve se pllaka e Sulltanit është fyerje për shqiptarët. Pas kësaj ngjarje ka reaguar edhe ministrja e Kulturës
Nga Mirela Kumbaro
Mos kini frike nga monumentet e kultures!
Aq me shume ne nje dite feste paqeje dhe urimesh e perkushtimi per Tjetrin, denoj me force çdo veprim qe cenon kulturen, trashegimine, gjurmet e historise, monumentet e kultures siç te paret na i kane lene!
Ne kemi detyre te mbrojme e te ruajme çdo gur e shpirt qe kemi sot!
Kemi detyre t’ua percjellim brezave!
Gjithçka eshte pjese e identitetit tone kulturor, kombetar, ballkanik, europian, njerezor!
Mos kini frike nga monumentet!
Monumentet jane deshmitare te historise por nuk e shkruajne ate! Historine e shkruajne historianet.
Ministria e Kultures dhe restauratoret kane detyre te mbrojne, te ruajne e te promovojne trashegimine, pa e deformuar, pa e zbukuruar.
Kete do e bejme te gjithe bashke si nje komb i qyteteruar!
E kunderta ndodhet te barbaret, te armiqte e kultures por edhe te vetevetes! Sot ata gjenden ne krah te perbindshit me emrin ISIS.
Denoj aktin barbar dhe primitiv te dores mjerane qe demtoi mbreme naten porten e sapo restauruar te Kalase se Lezhes!
Ndertimet e viteve 1500 nuk hiqen nga historia ne vitin 2015 o trima te errësirës!
Sikurse nuk fshihen gjurmet e origjinave tona te lashta kudo ne territor!
Policia ka filluar veprimet. IMK dhe Drejtoria rajonale ka filluar punen per pastrimin e kalase, me parate e taksapaguesve shqiptare!
Bej thirrje komunitetit te sensibilizohet ne mbrojtje te monumenteve kudo qe jane!
Mjeraneve, nese nuk paguajne ende taksat, i ftoj te mesojne sepaku gjuhen shqipe!
Gezuar Bajramin!
