Infektohet me koronavirus një efektiv i RENEA-s

Një efektiv i forcave RENEA ka rezultuar pozitiv me koronavirus.

Burimet bëjnë me dije se efektivi ka bërë tamponin para disa ditësh por sot ka marrë përgjigjen e rezultatit.

Gjendja e tij shëndetësore është e qëndrueshme ndërsa është izoluar në banesë.

Kujtojmë se dje numri i të prekurve me koronavirus shkoi në 33 ndërsa ndërroi jetë një 62-vjeçar duke bërë që të shkojë në 45 numri i viktimave në vend.

Pritet ende raportimi i ministrisë së Shëndetësisë për rastet e të infektuarve me koronavirus në 24 orët e fundit.