Inspektoriati i Punës, Ylli: Tre herë më pak gjoba ndaj biznesit

Drejtori i Inspektoriatit të Punës, Dritan Ylli prezantoi disa rezultate të këtij institucioni për vitin 2015 duke u përqëndruar tek gjobat ndaj biznesit që jane ulur me tre herë dhe rritjen e ndjshme të numrit të të siguruarve në punë. Ai i sheh këto rezultate si shenjë të ndërgjegjësimit nga ana e biznesit për të krijuar një mjedisi të sigurt për punonjësit e tyre.

Dritan Ylli:  Vetëm gjatë këtij viti, sot mesatarja e gjobave për subjektet e inspektuara është vetëm 1%, kur para dy vitesh kjo mesatare ishte 4%. Por sot kemi dhjetëra herë më shumë punonjës që përdorin pajisje mbrotjese individuale për jetën e tyre dhe njëkohësisht kemi një 3-fishim të ndërmarrjeve që kanë të punësuar me kohë të plotë apo të pjesshme mjekun e ndërmarrjes që kujdeset për shëndetin e punonjësve.

Kreu i Inspektoriatit të Punës u bëri apel qytetarëve që të mos hezitojnë të denoncojnë shkeljet pasi masat ligjore ndaj bizneseve që largojnë nga puna këta persona do të ashpërsohen edhe më tej.

Dritan Ylli: Të denoncojnë cdo shkelje të të drejtave të tyre të ligjshme. Kodi i Punës njeh edhe anonimatin e ankimuesit, sikurse edhe inspektori i punës ka të drejtë të fshehë punonjësin që denoncon, apo edhe subjektin në raste kur vijnë nga përfaqësues të subjekteve. Hapa të tjerë ligjorë duhet të iniciohen.

Inspektoriati i Punës vlerësoi me çertifikata ata inspektorë të cilët gjatë 2015 janë dalluar për punë profesionale.