Instituti i Shënditit Publik: Në Shqipëri nuk ka asnjë rast të konfirmuar me koronavirusin e ri
Aktualitet E Martë, 3 Mars 2020 09:36
Instituti i Shëndetit Publik njoftoi ditën e sotme se në Shqipëri nuk ka asnjë rast të konfirmuar me koronavirusin COVID-19.
Deri tani në Laboratorin e Virologjisë në Institutin e Shëndetit Publik janë testuar raste të dyshuara të qytetarëve që kanë histori udhëtimi me vendet e prekura nga koronavirusi dhe pas testimit kanë rezultuar negative. Diagnoza e plotë e COVID-19, kryhet pranë Laboratorit të Virologjisë në ISHP, i vetmi në vend i çertifikuar nga OBSH.
Nëse keni udhëtuar në vendet e prekura nga koronavirusi telefononi në Urgjencën Kombëtare në numrin 127.
