Investime të reja në rrjetin ujësjellës në dy lagje të tjera të Tiranës

Dy lagje të tjera në kryeqytet kanë marrë zgjidhe të furnizimit me ujë të pijshëm. Punonjësit e Bashkisë së Tiranës kanë finalizuar investimin e ujësjellësit në rrugën “Fiqiri Shehi” për të rritur kapacitetet e transmetimit të furnizimit me ujë të pijshëm.Tashmë, qytetarët e kësaj zone përfitojnë një shërbim cilësor të ujit duke sjellë kështu uljen e humbjeve të furnizimit.

Gjithashtu, janë mundësuar lidhje të reja me rrjetin e ujësjellësit në rrugën “Sulejman Delvina”. Tashmë, banorët e kësaj rruge do të përfitojnë cilësi dhe volum të madh në rrjet falë investimit të kryer nga tubacione krejtësisht të reja.