Ish-bashkëshortja e Ahmetajt paraqitet në SPAK

Ish-bashkëshortja e ish-ministrit Ahmetaj, Albina Mançka këtë të martë është paraqitur në SPAK. Mançka u pyet nga prokurorët, në lidhje me pasurinë që ka ndarë me ish-zv-kryeministrin e vendit.

Mançka gjatë marrjes në pyetje ka thënë se vilën që i është sekuestruar ia ka lënë shoqja e saj, e cila jeton në Zvicër. Ajo tha se personalisht në emër të saj ka vetëm një shtëpi në zonën e ish-Bllokut në Tiranë.

Kujtojmë që Arben Ahmetaj, ish-zv kryeministër akuzohet për veprat penale pastrim parash, mosdeklarim pasurie dhe korrupsion pasiv, të lidhura me aferën e inceneratorëve.