Ish-deputeti demokrat avokati i të riut nga Taxhikistani, u arrestua për terrorizëm

Ish deputeti demokrat Asllan Dogjani do të jetë avokati mbrojtës i të riut nga Taxhikistani, Komron Zukhurov.

24 vjeçari u arrestua më 30 prill pasi ishte në kërkim nga Gjermania si i dyshuar si anëtar i një celule terroriste të ISIS. Prej dy muajsh ai jetonte në qendër të kryeqyteti në një banesë me qira.

Masa e sigurisë po mbahet në Gjykatën Penale të Tiranës ku ka mbërritur dhe avokati Asllan Dogjani.

Zukhurov ka mohuar akuzat.

Bazuar të dhënave të sistemit TIMS, i riu ka mbërritur në Shqipëri nëpërmjet aeroportit të Rinasit, më 17 shkurt të këtij viti. Për mbërritjen në vendin tonë i riu është ndihmuar nga familja e ish-deputetit Asllan Dogjani, pasi bashkëshortja e tij rezulton të jetë halla e 24-vjeçarit. Ata i kanë siguruar fillimisht vizën dhe më pas strehimin, por duke mos patur informacione për aktivitetin e tij në Gjermani.