Ish gjyqtari i Lartë dënohet me 9 muaj burg. Do pezullohet me 18 muaj shërbim prove

Aktualitet E Diel, 26 Shtator 2021 08:57

Gjykata e Tiranës shpalli fajtor ish gjyqtarin e Gjykatës së Lartë, Admir Thanza dhe e dënoi atë me 9 muaj burg. Dënimi pezullohet me 18 muaj shërbim prove. Vendimi u dha paraditen e sotme ndërsa prokuroria kishte kërkuar dënimin e tij me 1.6 vite burg.

Vetë Thanza kishte kërkuar pafajsinë duke shtuar se u përdor nga vetingu për të treguar që u kap peshku i madh.

“Nuk kam kryer asnje veper penale. Kerkesa e prokurorisë është e pabazuar. Sanksioni që është vënë nga gjykata e Pizës nuk quhet dënim por rasti im u përdor nga vetingu për të treguar që u kap peshku i madh”