Ish-konkurenti i ”Përputhen” në pranga, organizonte prostitucion në banesën me qira

29-vjeçar Alban Dyrmishi, një ish-konkurent i emisionit ”Përputhen”, këtë të martë u prangos nga Policia e Shtetit. Ai kishte shndërruar banesën në një qendër prostitucioni.

Dyrmishi raportohet se pasi kishte marrë një ambient me qira, në rrugën “Sami Frashëri”, të cilin e kishte përshtatur si qendër masazhesh ku kishte të punësuara vajza të reja.

Përveç aktivitetit të regjistruar ligjërisht, ushtronin dhe aktivitetin e kundërligjshëm të prostitucionit. Policia procedoi penalisht dhe dy punëtoret e Dyrmishit, shtetaset F. D., 19 vjeçe dhe E. T., 20 vjeçe, për veprën penale “Prostitucioni”.