Ish-ministrat e shkarkuar nga Rama, gjithnjë e më pranë njëri-tjetrit

Tashmë, është thënë e është shkruar që ministrat e shkarkuar disa muaj më parë nga kryeministri Edi Rama, duket se nuk e kanë pritur shumë mirë vendimin e tij për shkarkim. Madje, disa, në biseda private me të, i kanë kërkuar edhe arsye.

Më pas, thuhet se mes tyre u krijua një lloj aleance, si një fraksion brenda Partisë dhe ata shiheshin gjithmonë bashkë. Në mbledhjen e fundit të Asamblesë së Partisë Socialiste, ish-ministrit të Jashtëm, Ditmir Bushati, iu hoq edhe funksioni politik që kishte si koordinator për Shkodrën. Ndërkohë, pranë tij qëndron ish-ministri i Brendshëm, Famtir Xhafaj.