Ish-Presidenti Moisiu: Po kthehemi mbrapa, më keq se më 1991

Ish-presidenti Alfred Moisiu, i ftuar në studion e emisionit “Kjo javë” në “News 24”, tha se situata aktuale në Shqipëri paraqitet e çmendur. Moisiu ka theksuar se për këtë situatë ka përgjegjësi gjithë klasa politike shqiptare e se vendi po kthehet më keq se në vitin 1991.

”Kjo situatë nuk është e mirë dhe nuk duhet të ndodhte. Për këtë ka përgjegjësi e gjithë klasa politike shqiptare. Po ekspozojmë një pjesë të keqe të shoqërisë shqiptare. Kriza është artificiale, mirëpo ndikimi është real. Opozita ka të drejtë në disa aspekte. Duhet kthjellësi, e cila ka humbur. Po kthehemi pas si në vitin 1991”, tha Moisiu.