”Isha i tronditur”, fjalët e para të efektivit në Polici për të dashurin e gruas: Mëso të mos futesh…
![](https://kohajone.com/wp-content/uploads/2024/08/1724219907_fax-rGkdhGnKh-transformed.jpeg)
Efektivi Erjon Goxhara shkoi vetë në Polici, pasi plagosi dy ditë më parë 45-vjeçarin Lorenc Kosta. Ai ka deklaruar se kur ka kryer krimin ka qenë në kushte të rënduara psikologjike. “Isha i tronditur”, mësohet të ketë thënë Goxhara në rajon.
Efektivi i policisë e qëlloi në mes të rrugës 45-vjeçarin, duke i shkaktuar plagë në pjesët e këmbëve dhe ato intime. Më pas nxori telefonin dhe e filmoi. Goxhara dyshonte se Kosta kishte lidhje intime me bashkëshorten e tij, me të cilën kanë dy fëmijë. “Të mësosh që mos të futesh më në familjet e të tjerëve dhe as t’i hash djersën e tjetrit”. Me këto fjalë iu drejtua efektivi i policisë Erjon Goxhara, Lorenc Kostës, pasi e qëlloi me 6 plumba.
Bashkëshortja e efektivit është njohur në vendin e punës me Kostën, aty ku dhe kanë nisur një romancë jashtëmartesore, sipas mediave. Historia është zbuluar rreth 4 muaj më parë nga efektivi Erion Goxharra, ku kanë pasur edhe debate në familje. Pasi u qëllua 6 herë nga efektivi, i cili në atë moment ishte jashtë shërbimit, Kosta ndodhet në spital në rrezik për jetën.