”Ishte xheloz”, daja i autorit tregon arsyet e krimit

Daja e autorit të krimit në familje në Durrës, ka treguar detaje nga motivet që mund të kenë çuar, Adriatik Kukës të vriste gruan e tij, Hazbien. Ai është shprehur për “Report Tv” se nipi i tij që vrau gruan me thikë, Ardian Kuka punonte si shofer i dejtorit të OSHEE-së dhe se kohët e fundit kishte filluar të bëhej xheloz.

”Ne jemi nga Korça, na turpëroi zonën, se Korça nuk mbahet për kështu krimesh. Mesa dinë unë shkonim mirë, bashkë shkonin. Kur filloi punë u bë xheloz. Më mirë ta ndante. Ajo ishte çupë e mirë, na respektonte. Ishte shoferi i drejtorit të OSHEE-së, ai i Durrësit ai Tiranës, s’e di por nuk kishin problem ekonomike. Një djalë kanë, një fëmijë të vogël, gjynah. E mora vesh kur pamë makinat e policisë, nuk dinim gjë”,-tha ai.

Ngjarja e rëndë ka ndodhur pasditen e sotme në zonën e Spitalls në Durrës. Mësohet se Kuka ka qëlluar me thikë gruan e tij pas një konflikti. I pranishëm ka qenë edhe djali i tyre 10-vjeçar, i cili ka shoqëruar të ëmën në spital bashkë me vëllezërit e viktimës. Ndërkohë autori është në kërkim pasi është larguar me makinë nga vendngjarja.