Ishte zhdukur prej 4 ditësh, çobani 47-vjeçar gjendet i pajetë në mal

Një 47-vjeçar çoban, i cili rezultonte i zhdukur që prej datës 21 tetor, është gjetur i pajetë në një mal në Selenicë.

47-vjeçari nga Elbasani me iniciale E.G ishte punësuar si çoban në atë zonë prej kohësh. Por për fat të keq ai u gjet dje pa shenja jete në malin e fshatit Gjormë.

“Stacioni i Policisë Selenicë referoi materialet në Prokurori, për vlerësim, pasi më datë 24.10.2024, në malin e fshatit Gjormë, dyshohet se ka humbur jetën, për shkaqe natyrale, shtetasi E. G., 47 vjeç, banues në Elbasan, i cili ishte punësuar si çoban në atë zonë dhe prej datës 21.10.2024 kishte humbur kontaktet me pronarin e stanit ku punonte”,-njofton policia.

Materialet iu referuan Prokurorive, për veprime të mëtejshme.