ISIS në Tiranë! Videoklipi tmerron qytetarët, ndërhyn policia

Rreth 20 të rinj  kanë përfunduar të gjithë në komisariat, pasi tmerruan me dhjetëra qytetarë të Tiranës. Ngjarja ndodhi paraditen e sotme Unazën e Re drejt qendrës tregtare TEG.

Rreth 20 të rinj, të cilët të mbuluar me veshje të zeza, qëndronin jashtë 3 makinave dhe lëviznin vazhdimisht nga Liqeni Artificial drejt TEG dhe anasjelltas.

Veshja e tyre ngjante me ato të terroristëve të ISIS, çka ka bërë që qytetarë të shumtë të njoftonin policinë.

Efektivët blu, që janë në gjendje gatishmërie, kanë ndaluar të rinjtë, duke i shoqëruar më pas në polici.

Por më pas rezultoi se ata ishin 20 figurantë të një videoklipi të ri të këngëtares Ronela Hajati, e cila më pas ka publikuar dhe një foto të saj me të rinjtë në Instagram.

Këngëtarja Hajati nuk kishte kërkuar më parë leje nga policia për filmimin e skenave të tilla në vende publike dhe as nuk e kishte menduar se do të sillte një keqkuptim ngjarja.

Pavarësisht se performanca e tyre shkaktoi mjaft frikë dhe panik policia i la menjëherë të lirë të rinjtë.