Itali, 28 vjeçari shqiptar hidhet në shinat e trenit

Një shqiptar 28 vjeç, që jetonte në Sesto San Giovanni të Italisë, është hedhur në shinat e trenit, duke gjetur vdekjen e menjëhershme.

Shqiptari, emri i të cilit nuk bëhet i ditur nga mediat italiane, ishte arrestuar në vitin 2015 për një vrasje të mbetur në tentativë.

Nga përplasja me trenin, trupi i pajetë i 28-vjeçarit është tërhequr dhunshëm për disa metra, ndërsa mendohet se ai u vetëvra.