Italo-shqiptarët, Alfred Mirashi dhe Helidon Xhixha nderohen me çmimin e karrierës në Wuhan të Kinës

Albert Vataj

Alfred Mirashi dhe Helidon Xhixha nderohen me çmimin e karrierës në Wuhan të Kinës, kjo është një ngjarje për artin italian, sa ç’është edhe për krenarinë shqiptare, të drejtën për t’u mburrur dhe krenuar me atë që kanë arritur këto artistë, vepratë e të cilëve u pritën me polemika në Shqipëri dhe u përcollën me famë ndërkombëtare nga kritika.

Kina e madhe e traditave, historisë, kulturës dhe artit u ka dhënë jo vetëm çmime të rëndësishme, por u ka rezervuar vend të privilegjuar për artin e tyre, si një art të madh.

Artistët shqiptarë, ata të cilët lindën në vendin e vogël të ëndrrave të mëdha, për t’u rritur artistikisht dhe për të sunduar dhe përfaqësuar me famën e artit italian, kësaj here kanë marrë vend nderi për artin e tyre të madh në Kinën e madhe. Janë vlerësuar prej saj me çmimin prestigjioz të karrierës, me çfarë ata nderojnë Shqipërinë që i lindi dhe Italinë që i rriti.

Alfred Mirashi dhe Helidon Xhixha morën vlerësime, dhe gëzuan të drejtën që skulpturat e tyre konceptuale të jenë përgjithmonë të vendosura përballë muzeut gjigand të qytetit, të jenë përgjithmonë aty, ajo çfarë ata skalitën me mendje dhe formësuan me shpirt.

Ka mbërritur përmes mediave kineze, italiane dhe jo vetëm, atmosfera e ceremonisë madhështore të artit të Bienales së Wuhan 2024 ku lajmi i madh mori dhenë dhe artistët tanë kapluan botën.

Tre artistë, dy italo-shqiptarët, Alfred Mirashi dhe Helidon Xhixha, dhe kinezi Fu Zhongwang, morën çmimin për arritje jetësore “Çmimi i Kontributit të Bienales së Wuhan”.

Artistët fitues u ftuan gjithashtu edhe ne dy universitetet, atë të Beijing e Jinan, për artet publike, ku ata folën për përvojat e tyre personale, për rrugëtimin krijues, për sfidat artistike dhe vlerësimin që ju rezervua atyre, duke patur veprat para muzeut më të madh të artit në Wuhan.

Ajo që mbetet për t’u vlerësuar dhe nënvizuar, është fakti se dy artistë me origjinë shqiptare, Alfred Mirash dhe Helidon Xhixha, përfaqësojnë si fitues në Kinën e madhe të traditave, të kulturës dhe artit, Italinë, atë që u bë për ta atdheu i dytë dhe realiteti i ëndrrave të tyre artistike.

Jo çmimet, por arritja artistike, janë ato që e lartësojnë panteonin ku ata vendosin emrin e tyre, veprën dhe shpirtin krijues. Alfred Mirashi vijon të hapë dyert e famës me çelësat e tij të përdredhuar, ndërsa Helidon Xhixha, vezullon gjithnjë e më shkëlqimshëm me format e tij të lëmuara, ku përthyhet drita e derdhen të ngjyrshëm qiejt.

Gjatë ceremonisë madhështore artistike u mbajt edhe një simpozium akademik me temë “Rruga Kineze e Bienales”. Shumë ekspertë, studiues dhe artistë në fushën e artit u mblodhën për të diskutuar tendencat më të fundit të artit bashkëkohor ndërkombëtar dhe për t’u fokusuar në hijeshinë unike dhe karakteristikat e reja të zhvillimit të Bienales së Wuhan.

Key of Wuhan di Milot 2024

“Urban Fluidity – 2024 Wuhan Biennale”, i sponsorizuar nga Muzeu i Artit Wuhan nën drejtimin e Departamentit të Publicitetit të Komitetit Komunal të Wuhan CPC dhe Byrosë Komunale të Kulturës dhe Turizmit në Wuhan, është ekspozuar në pavijonin Qintai dhe pavijonin Hankou të Wuhan. Muzeu i Artit.

Ekspozita bashkon më shumë se 200 vepra nga mbi 140 artistë dhe të huaja. Kjo binale nuk është vetëm një ngjarje e artit bashkëkohor të klasit botëror, por edhe një manifestim i përqendruar i vitalitetit të zhvillimit kulturor të qytetit. Që nga hapja e saj më 5 tetor, Bienalja e Wuhan 2024 ka tërhequr audiencë nga vende të ndryshme për të “eksploruar” botën e artit.

L’opera di Xhixha

E përqendruar në temën e “Rrjedhshmërisë Urbane”, Bienalja e Wuhan-it 2024 i përmbahet të qenit të bazuar në qytet dhe adreson kohët bashkëkohore, duke mbledhur arritje inovative në artet pamore nga një këndvështrim ndërkombëtar, dhe duke interpretuar rrjedhshmërinë e kulturës dhe rrjedhshmërinë e qytetit nga një këndvështrimi artistik. Ekspozita është e ndarë në pesë seksione: “Gjurmimi i origjinës së venës kulturore”, “Takimi në kufi”, “Në kërkim të dritës së zbehtë”, “Kodimi i së ardhmes” dhe “Sfera e qenieve të gjalla”. Format e punimeve përfshijnë pikturën, skulpturën, instalimet e plota, video dhe media dixhitale etj. Ndërkohë, ai përfshin përzierjen e mediave, zgjerimin e materialeve, aplikimin e teknologjisë dixhitale dhe pjesëmarrjen e inteligjencës artificiale, duke reflektuar fuqishëm evoluimin e koncepteve dhe metodave të të shprehurit të artit bashkëkohor.

Nga promovimi i inovacionit artistik te përmirësimi i nivelit të shërbimeve kulturore publike, nga plotësimi i nevojave kulturore me cilësi të lartë të njerëzve deri te zgjerimi i shkëmbimeve artistike ndërkombëtare, Bienalja e Wuhanit ka dhënë kontribute pozitive.” Fan Di’an, president i Shoqatës së Artistëve Kinez dhe kuratori kryesor i Bienales së Wuhan 2024, tha në ceremoninë madhështore të artit.

Ne universitetin e arteve ne Jinan, Shandong

Duke mbajtur vazhdimisht bienalen, ajo i ofron publikut të gjerë produkte kulturore me cilësi të lartë për të vlerësuar veprat e shkëlqyera të artit, për të përmirësuar shkrim e këndim estetik dhe për të rritur besimin kulturor, duke demonstruar vitalitetin e vrullshëm të zhvillimit gjithëpërfshirës të Wuhan-it në epokën e re. Bienalja e Wuhan-it 2024 bazohet në rrënjët kulturore dhe avantazhet e vendndodhjes së Wuhan-it, duke u fokusuar në shfaqjen sesi traditat e vjetra dhe të pasura të kulturës së lumit Yangtze ushqejnë krijimin artistik bashkëkohor. Reflekton tendencat e reja të zhvillimit të arteve vizuale vendase dhe të huaja nga një këndvështrim ndërkombëtar, fokusohet në tema të artit bashkëkohor si trashëgimia dhe inovacioni, shkenca dhe teknologjia dhe arti, dhe ajo lokale dhe globale, duke formuar një temë të veçantë dhe përmbajtje të pasur.

Direttore del Museo Di Wuhan Chen Wengjin

Chen Yongjin, drejtor i ekspozitës së Bienales Wuhan 2024 dhe kurator i Muzeut të Artit në Wuhan, prezantoi se ky edicion i Bienales Wuhan do të zgjasë deri më 31 maj 2025. Gjatë kësaj periudhe, Muzeu i Artit në Wuhan do të mbajë edhe klasa të edukimit estetik, publik aktivitetet e mirëqenies, etj., për t’i ofruar publikut një përvojë gjithëpërfshirëse, të larmishme, me shumë nivele dhe shumëdimensionale të artit pamor, duke i lejuar qytetarët dhe turistët të shijojnë plotësisht vitalitetin e vrullshëm kulturor të qytetit.