Ja pse Rama dhe Basha nuk e kanë bërë testin për COVID 19

Kryeministri Edi Rama dhe kryeopozitari Lulzim Basha ndahen kur është fjala për debatin për të bërë testime masive në popullatë për COVID 19.

Por të dy i bashkon fakti se asnjëri prej tyre nuk i është nënshtruar këtij testi, kjo të paktën sipas deklarimeve publike të tyre.

Teksa u pyet për këtë çështje, Basha dha këtë përgjigje sot për gazetarët.

Lulzim Basha: Deri tani nuk ka pasur asnjë indikacion sipas këshillave të mjekëve apo të protokolleve të sigurisë të më detyronte të bëja testin.

Ndërsa shefi i qeverisë në një intervistë për “Provokacia”  insistoi se nuk duhet të testohet kush nuk ka simptoma.

Mustafa Nano: Për tu kthyer të kriza aktuale, unë pata një testim në familjen time. Dikush kishte temperaturë dhe u detyrova që edhe unë të bëj testin për të cilin rezultova negativ. Po ju keni bërë ndonjë testim?

Edi Rama: Jo. Mendoj se nuk duhet të testohet kush nuk ka simptoma, por gjithkush duhet të sillet njësoj sikur e ka koronavirusin. Që do të thotë se duke u testuar nuk është se ndryshon diçka.

Mustafa Nano: Rasti i Boris Johnson tregon që edhe kryeministrat e vendeve të mëdha mund të infektohen…

Edi Rama: Shumica e kanë bërë…