Java nis me diell dhe ulje të lehtë temperaturash, njihuni me parashikimin e motit
Aktualitet E Hënë, 21 Dhjetor 2020 08:20
Vendi ynë sot do të mbizotërohet nga alternime kthjellimesh dhe vranësirash të cilat do të sjellin mot të kthjellët në të gjithë territorin.
Sipas Meteoalb, sot temperaturat do të pësojnë një rënie të lehtë, ku do të variojnë: në zonat malore, nga -1°C në 06°C, në zonat e ulëta nga 07ºC në 13°C dhe në zonat bregdetare nga 09°C në 15°C.
Era do të fryejë në drejtim Verior ndërsa forca e valëzimit në det do të jetë 2 ballë.
Kosova sot do të mbizotërohet nga alternime vranësirash dhe kthjellimesh të cilat do të sjellin mot të qëndrueshëm në të gjithë territorin. Temperaturat do të pësojnë një rënie të lehtë ku do të variojnë: në zonat malore nga -2°C në 06°C dhe në zonat e ulëta nga 02°C në 07°C.
