“Jemi miq të Alfredit”, flet në gjyq një nga dëshmitarët

Vetë Fredi Beleri refuzoi të pyetet si i pandehur në procesin ndaj tij në Gjykatën e Posaçme, me pretekstin se nuk ka besim te SPAK. Në seancë gjykata lejoi leximin e deklarimeve të dhëna nga dëshmitari Avdyl Rama në prokurori, pas mos gjetjes së dëshmitarit dhe paraqitjes së tij në gjyq.

Në deklarimin e 23.6.23 Avdyl Rama ka thënë se pas arrestimit të Belerit e kanë ndaluar dy persona të panjohur.

Njeri prej tyre i ka thënë: “Ne jemi miq të Alfredit. Ti dhe vëllai që keni bërë incizime duhet të tërhiqeni. Nëse tërhiqeni, e marrim vëllanë tënd, e kalojmë në Greqi dhe i japim azil politik. Do ju rregullojmë dhe ju nuk do ta vrisni mendjen fare”.