Jep dorëheqje nga detyra kreu i Agjencisë Shtetërore të Kadastrës së Durrësit

Largohet nga detyra drejtori i Agjencisë Shtetërore të Kadastrës së Durrësit, Rezart Elmazi.

Elmazi ka dhënë dorëheqjen nga ky pozicion, të cilin e mbante prej 12 tetorit të vitit të kaluar.

Mësohet se në vend të tij është komanduar përkohësisht durrsakja Viola Hima, e deleguar nga ASHK në qendër.

Hima ka punuar për shumë vite në hipotekën e Durrësit ndërsa më herët ka qenë zv.drejtore dhe drejtore e komanduar në kadastrën e Vlorës muaj më parë, ku ka qëndruar vetëm disa ditë.