Johnson e preku te pika e dobët, tërbohet Putin

”Nëse do të kishte qenë grua, Putini nuk do ta kishte pushtuar Ukrainën”, është një nga deklaratat e bujshme që kryeministri i Britanisë së Madhe, Boris Johnson, bëri dy ditë më parë për televizionin gjerman ZDF.

Putin është tërbuar, ndaj dhe Rusia kërkoi takim me ambasadorin e Britanisë së Madhe në Moskë, për të protestuar ndaj këtyre komenteve dhe pohimeve të një zyrtari britanik mbi figurat kryesore të qeverisë ruse.

Ministria e Jashtme Ruse, tha edhe se ishte e papranueshme që zyrtarët britanikë të shpërndajnë qëllimisht informacione të rreme, veçanërisht mbi kërcënimet e supozuara nga rusët që ”zgjedhin të përdorin armë bërthamore”.