“Join LSI, votim online për herë të parë”, Silva Caka: Në 21 nëntor votojmë dhe i paraprijmë fitores së madhe të 25 prillit

Kryetarja e KQZ-së së LSI, Silva Caka, ka folur sot mbi zgjedhjet që do të mbahen të shtunën e 21 nëntorit në këtë forcë politike, ku do të aplikohet për herë të parë votimi online.

Një aplikacion do të jetë në dispozicion të të gjithë anëtarëve me kartë anëtarësie, që mund të votojnë përmes smartfonit apo tabletit android.

Deklarata e plotë e Kryetares së KQZ së LSI, Silva Caka

Mirmëngjes të gjithëve!

Jemi sot për të njoftuar të gjithë anëtarët dhe të gjithë qytetarët shqiptarë për procesin e zgjedhjeve brenda Lëvizjes Socialiste për Integrim, i cili do të mbahet ditën e shtunë më 21 nëntor, duke filluar nga ora 09:00.
Lëvizja Socialiste për Integrim, në çdo proces zgjedhor ka qenë avantgardë, duke qenë e para që prezantoi parimin e shënjtë një anëtar – një votë, duke qenë e para që zbatoi kuotën gjinore në masën 50-50, duke qenë e para që aplikoi votimin dhe numërimin elektronik dhe duke qenë e para dhe ende e vetmja forcë që fokuson të gjithë vëmendjen e saj tek të rinjtë.
Edhe më 21 nëntor, Lëvizja Socialiste për Integrim do të jetë sërish e para forcë politike, e cila do të aplikojë votimin online. Ne sot iu bëjmë thirrje të gjithë anëtarëve të Lëvizjes Socialiste për Integrim, të bëhen pjesë e këtij procesi në mënyrën që ata dëshirojnë.
Përveç votimit elektronik, në çdo bashki do të kemi të hapura qendrat e votimit, në mënyrë që çdo anëtar të zgjedhë përfaqësuesit e tij në Koventën Kombëtare Zgjedhore, që do të mbahet më 5 dhjetor.

Spoti
Për të gjithë anëtarët që ndodhen jashtë Shqipërisë, gjtihashtu edhe ata që e kanë pamundur që t’i drejtohen kutive të votimit për shkak të situatës së pandemisë ose pamundësisë së tyre, aplikacioni ‘Join LSI” ju vjen në ndihmë për të shprehur vullnetin tuaj.

Spoti si do vohet online
Më 21 nëntor dhe 5 dhjetor, ne nuk votojmë thjesht për delegatët, kryetarin dhe strukturat e reja drejtuese, por i paraprijmë fitores së madhe të shqiptarëve, e cila do të vijë më 25 prill.