Jozefina Topalli për votën e diasporës: Votat nga Greqia po dorëzohen dorazi në KQZ

Drejtuesja politike e PD për diasporën, Jozefina Topalli, ka ngritur shqetësime të forta sot për mënyrën se si po dorëzohen votat nga Greqia në KQZ, duke e cilësuar këtë si një shkelje të procesit zgjedhor.

Topalli ka paralajmëruar se dorëzimi fizik i zarfeve është një krim zgjedhor dhe ka kërkuar ndërprerjen e këtij procesi.

“Në Greqi, shtohen akoma shqetësimet. Sot janë dorëzuar zarfet me dorë në KQZ. Të ndahen kutitë që vijnë nga Greqia me kutitë që vijnë nga Italia. Të bëhet auditimi, sesi erdhi kutia dhe një analizë të kutive të votimit, që kanë sjellë anomali për mënyrën sesi kanë ardhur votat. Vetëm në tre ditët e fundit kanë ardhur 22 mijë vota. Nëse zarfet dorëzohen me dorë, ky është krim zgjedhor. Të ndalet dorëzimi i zarfeve dorazi. Kemi dorëzuar kërkesën për këto krime elektorale. Kthimi i shërbimit sipas kontratës të DHL-së në shërbim të ofruar të strukturave të PS-së, nxjerr loje gjithë procesin që ka ndodhur në shtetin fqinj”, tha Topalli në një dalje për mediat.