Kadare nderohet me çmimin “Jeronim de Rada”

Kadares, çmimi i është dorëzuar nga ambasadori Italian në Tiranë Massimo Gainai.

Shkrimtari Ismail Kadare i nominuar disa herë për Nobel, u shpreh i prekur dhe i nderuar nga ky çmim. Ai tha se De Rada ishte gjeniu i parë i rilindjes, teksa verësoi Italinë si një vend që u ka dhënë mundësi arbëreshëve të shprehen përmes artit dhe theksoi se De Rada ishte i pari që orientoi letërsinë tonë drejt asaj europiane.
“Të dashur lexues jam i nderuar dhe i prekur për këtë çmim që mban emrin e gjeniut të parë të rilindjes kombëtare shqiptare dhe poetit që e ndihmoi të lindte rilindja dhe u bë paraardhësi i dritës së madhe që mbuloi në atë kohë Shqipërinë. De Rada riktheu letërsinë shqipe në orientimin europian që letërsia shqipe ishte duke e humbur
Kam kënaqësi që përbri meje është ambasadori i Italisë, vendi që e mbajti de Radën në gjirin e tij dhe kaloi jetën atje. De Rada ishte poet i madhe dhe profet i së ardhmes. “, tha Kadare në fjalën e tij.

Sot në Panairin e Librit do të ndahen çmime të tjera, ndërsa lexues të shumtë kanë qëndruar në radhë për të marrë me autograf nga Kadare librin e tij të fundit të sjellë nga shtëpia botuese Onufri, “Mëngjeset në kafe Rostand’