Kakavijë, doganierët rrihen me njëri-tjetrin

Policia ka vënë në pranga një doganier të doganës së Kakavijës për shkak se ka rrahur përgjegjësin e vet, po doganier, pas një sherri.

Policia e ka kryer arrestimin sot në mëngjes.

I arrestuari është Ermal Dhoska, 43 vjeç, banues në lagjen “Kodra e Shtufit”, Gjirokastër, me detyrë Doganier në Doganën Kakavijë, pasi:"Në ora 23:50 të së premtes, në ambientet e Doganës Kakavijë ka goditur me grushta për shkak të detyrës shtetasin E.Sh, 27 vjeç, banues në lagjen “Granicë”, Gjirokastër, me detyrë Përgjegjës Turni në Doganën Kakavijë".