Kalimtarët gjejnë të pajetë një 30-vjeçar në “Rrugën e Durrësit”, policia jep detajet e para
Aktualitet E Enjte, 3 Shkurt 2022 10:04
Një djalë i ri i moshës rreth 30 vjeçare, ende i paidentifikuar është gjetur i pajetë këtë të enjte nga kalimtarët në “Rrugën e Durrësit”.
Policia bën me dije se nga këqyrja paraprake nuk janë konstatuar shenja dhune dhe dyshohet se vdekja ka ardhur nga shkaqe natyrale.
Tiranë/Informacion paraprak
Më datë 03.02.2022, në Rrugën e Durrësit, në rrugë është gjetur nga kalimtarët, pa shenja jete, një shtetas i huaj, rreth 30 vjeç, ende i paidentifikuar.
Nga këqyrja paraprake nuk janë konstatuar shenja dhune dhe dyshohet se vdekja ka ardhur nga shkaqe natyrale.
Grupi hetimor ndodhet në vendngjarje dhe po punon për sqarimin e rrethanave të ngjarjes.
